Линклар

Си Цзиньпиннинг Ўзбекистонга давлат ташрифи давом этмоқда


Хитой Президенти Си Цзиньпин.

Хитой Президенти Си Цзиньпиннинг Ўзбекистонга давлат ташрифи давом этмоқда. Си Марказий Осиё давлатларига сафари доирасида 8 сентябр куни Тошкентга етиб келди.

Ўзбекистон Президенти Ислом Каримов таклифи билан амалга ошаётган давлат ташрифига доир асосий тадбирлар 9-10 сентябр кунларига белгиланган.

Расмийларга кўра, Ислом Каримов ва Си Цзиньпин ўртасидаги музокаралар чоғида Ўзбекистон-Хитой ҳамкорлигини ривожлантириш ҳамда икки томонни қизиқтирган минтақавий ва халқаро масалалар муҳокама қилинади. Музокаралар якунига кўра, икки томон ўртасида қатор сиёсий, савдо-иқтисодий ва бошқа соҳаларга доир қатор ҳужжатларнинг имзоланиши кутилмоқда.

Ўзбекистондан аввал Си Қозоғистон, Туркманистон ва Россияда бўлди. Тошкентдан кейин Хитой раҳбари Бишкекка йўл олади. У ерда Си Шанхай Ҳамкорлик ташкилоти саммитида қатнашади.

Ўзбекистон 2010 йилдан бери Хитойга табиий газ етказиб бера бошлаган. Туркманистон-Хитой газ қувурининг катта қисми Ўзбекистон орқали ўтади.

Хитойнинг Ўзбекистондаги элчиси Чжан Сяога кўра, сўнгги 20 йил давомида икки давлат ўртасидаги товар айирбошлаш 50 баробарга кўпайган.

Жорий йилнинг 7 ой давомида ўзаро савдо айланмаси 60 фоизга кўпайиб, 2 миллиард 540 миллион АҚШ долларини ташкил этган.
XS
SM
MD
LG