Линклар

21 сентябр куни милиция ходимлари томонидан қўлга олинганидан буён қаердалиги номаълум қолаётган хоразмлик журналист Сергей Наумов Урганч шаҳар ички ишлар бўлимининг қабул-тақсимот пунктида ушлаб турилибди.

Бу ҳақда “Марказий Осиёда инсон ҳуқуқлари” ассоциацияси хабар тарқатди.

Ташкилот маълумотига кўра, журналист бу ерда Ўзбекистон Маъмурий жавобгарлик тўғрисидаги кодексининг 183-моддаси (майда безорилик) бўйича суд қарори асосида тутиб турилибди.

Тўрт кун муқаддам хоразмлик милиционерлар томонидан олиб кетилган 50 ёшли Сергей Наумов Ўзбекистонда истиқомат қилаётган оз сонли мустақил журналистлардан биридир. У ўтмишда қатор маҳаллий ва хорижий нашрлар билан ҳамкорлик қилиб келган.
XS
SM
MD
LG