Линклар

Шошилинч хабар
29 март 2024, Тошкент вақти: 11:34

Либерия собиқ президентининг 50 йиллик қамоқ жазоси ўзгармади


 Чарлз Тейлор.
Чарлз Тейлор.
Ҳаага халқаро трибунали Либерия собиқ президенти Чарлз Тейлорга берилган 50 йиллик қамоқ жазосини ўзгаришсиз қолдирди.

Ўтган йили БМТ томонидан Съерра Леондаги уруш жиноятларини тафтиш қилиш учун ташкил этилган махсус маҳкама Тейлорни 50 йиллик қамоққа ҳукм этган эди.

Тейлор қўшни Съерра Леон билан ҳарбий можаро давомида уруш жиноятлари содир этганликда айбдор деб топилган.

Икки қўшни Африка давлати ўртасида 10 йил давом этиб¸ 2002 йилда ниҳоясига етган қонли уруш оқибатида камида 50 минг одам нобуд бўлган.

Дала қўмондонидан президентга айланган 65 яшар Тейлор Иккинчи жаҳон урушидан бери суд томонидан уруш жиноятларида айбдор деб топилган биринчи давлат раҳбаридир.
XS
SM
MD
LG