Линклар

Чегарадаги отишмада ҳалок бўлган аскар "Жасорат" медали билан тақдирланди


Қирғизистон билан чегарада 23 июл куни юз берган отишмадан сўнг ҳалок бўлган ўзбекистонлик чегарачи Турғун Жўраев Ўзбекистон президенти қарорига биноан вафотидан сўнг “Жасорат” медали билан тақдирланди.

12uz.com нашри берган хабарга кўра, ҳалок бўлган оддий аскар ота-онасига медални топшириш маросими Сурхондарё вилоятининг Термиз туманида бўлиб ўтди.

Жорий йилнинг 23 июлида Ўзбекистоннинг Наманган вилоятидаги Қирғизистон билан чегараолди ҳудудида икки давлат ҳарбийлари ўртасида отишма содир бўлиб, унда воқеа жойида ўзбек чегарачиси Равшан Толипов ўлган эди.

Унинг шериги Турғун Жўраев кўкрак қисмидан оғир яраланган ҳолда касалхонага етказилган, бироқ шифороклар уни қутқариб қола олмаган.

Ўзбекистон Давлат чегараларини қўриқлаш қўмитаси воқеа Ўзбекистон худудида рўй берганини айтиб, отишма учун масъулиятни Қирғизистон чегарачиларига юклаб келади.

Ўзбекистон ахборот сайтлари Қирғизистон чегара раҳбарияти 23 июл содир бўлган отишмада қирғиз томони айбдор эканини тан олгани ҳақида хабар тарқатган. Бироқ Қирғизистон Чегара хизмати бу хабарни рад этган эди
XS
SM
MD
LG