Линклар

Исроил 26 фаластинликни қамоқдан озод қилди


Қамоқдан озод қилинган фаластинликларни тантанали кутиб олишди.

Қамоқдан озод қилинган фаластинликларни тантанали кутиб олишди.

Кўпдан бери тўхтаб қолган сулҳ музокарасини жонлантириш мақсадида Исроил ҳукумати 30 октябрда 26 фаластинликни қамоқдан озод қилди.

Озод қилинган фаластинликлар Ғазо минтақасида ва Иордан дарёсининг ғарбий соҳилида тантана билан кутиб олинди. Озод қилинганларнинг айримлари 20 йилдан бери қамоқда ўтирган одамлар бўлган.

Мазкур воқеа муносабати билан Рамаллоҳда чиқиш қилган Фаластин раҳбари Маҳмуд Аббос “Исроил фаластинликларни қамоқдан бўшатиш эвазига Фаластин ҳудудида яҳудийлар учун янги қишлоқларни қурмаслиги шарт"лигини, "бундай савдолашувни фаластинликлар қабул қилмаслиги"ни айтди.

Исроилда фаластинликларнинг қамоқдан бўшатилиши норозилик билан қабул қилинди. Исроилликларбу одамларни яхудийларга қарши жиноятларни содир этган шахслар сифатида қабул қилади.

Исроил 1967 йилги уруш натижасида Фаластин ҳудуди деб аталувчи Ғарбий соҳилни,Ғазо минтақасини ва Қуддуснинг шарқий қисмини босиб олган. Ўшандан бери яҳудийларга қарши жиноятларни содир этганликда айбланиб минглаб фаластинликлар қамоққа олинган.
XS
SM
MD
LG