Бирмада 69 сиёсий маҳбус озод қилинди

Бирма ҳукумати 69 нафар сиёсий маҳбусни амнистия асосида озод қилди.

Президент Тейн Сейн жорий йил охиригача барча виждон тутқинлари қамоқдан чиқарилишига ваъда қилди.

Европа Иттифоқи делегациясининг Бирмага сафари олдидан озодликка чиққан маҳбусларнинг аксари миллий озчилик вакиллари экани айтилди.

Amnesty International сиёсий маҳбусларнинг озод қилинганини олқишлади, лекин панжара орқасида қолаётганларнинг кўпчилиги инсонпарварлик фаолияти учун қамалганини таъкидлади.