Линклар

Фаластиннинг Прагадаги элчиси портлаш оқибатида ўлди


Фаластиннинг Чехия Республикасидаги элчиси ўз резиденциясида рўй берган портлаш оқибатида ўлди.

Полиция Жамол Ал-Жамол чоршанба куни эрталаб оғир яраланганидан кейин касалхонада оламдан ўтганини маълум қилди.

Фаластин Ташқи ишлар вазирлиги эълон қилган баёнотда Жамол эски бинодан янги бинога олиб келинган сейфни очганидан бир неча дақиқа кейин портлаш рўй бергани билдирилган.

Фаластин элчихонаси матбуот котиби Набил Ал-Фаҳил Чехия радиосига портлаш содир бўлган пайтда Жамол оиласининг ҳамма аъзолари уйда бўлганини айтди.

Воқеа юзасидан текширув олиб бораётган полиция Жамолга ҳужум уюштирилганини тасдиқловчи далиллар топилмаганини билдирди.
XS
SM
MD
LG