Линклар

logo-print

Қоҳирада Миср собиқ президенти устидан маҳкама қайта бошланди


Миср пойтахти Қоҳирада ҳокимиятдан ағдарилган президент Муҳаммад Мурсий устидан маҳкама хавфсизлик чоралари кучайтирилган ҳолда қайта бошланди.

Мурсий ва Мусулмонлар Биродарлиги ҳаракатининг яна 14 аъзоси 2012 йилда президент саройи олдида бир неча намойишчи ўлган норозилик акциясини келтириб чиқарганликда айбланмоқда.

Ўтган йил июлида рўй берган оммавий норозиликдан кейин Миср ҳарбийлари томонидан ҳокимиятдан ағдарилган Мурсийга бошқа судда тўртта жиноий айблов қўйилган.

Улар орасида сиёсий рақиблари ўлдирилишига сабаб бўлган зўравонликлар келтириб чиқарганлик, хорижий гуруҳлар билан фитна уюштирганлик ва маҳбусларнинг қамоқдан қочишини уюштирганлик каби айбловлар ҳам бор.

Мурсий ҳокимиятдан ағдарилганидан бери ҳибсда сақланмоқда.

31 январь куни Мусулмонлар Биродарлиги тарафдорлари ўтириб норозилик акцияси ўтказишга уринган пайтда полиция билан тўқнашув содир бўлди.
XS
SM
MD
LG