Линклар

Бишкекда жинсий озчиликларга қарши намойиш ўтказилди


АҚШнинг Бишкекдаги элчихонаси олдида жинсий озчиликларга қарши ўнлаб фаол иштирокчида пикет ўтказилди. Пайшаба кунги намойиш иштирокчилари қирғизистонлик таниқли жинсий озчиликлар ҳимоячиси Илья Лукашнинг портретини ёқиб, у ва бошқа гей-фаоллар гомосексуализмни тарғиб қилиш орқали “қирғизларнинг оилавий қадриятларини бузишмоқда”, дея хитоб қилишди.

Лукаш Қирғизистон ҳукуматини очиқчасига жинсий озчиликлар ҳуқуқларини ҳимоя қилиш ва қиз ўғирлаш одатига чек қўйишшга чақириб келади.

Ўтган ойда Қирғизистон муваққат муфтийси Мақсат Ҳожи Токтомишев бир жинсли алоқаларни қоралаб фатво эълон қилган эди.
XS
SM
MD
LG