Линклар

logo-print

Россия парламенти президент Путиннинг сўровини муҳокама қилмоқда


РФ Президенти Владимир Путин.

РФ Президенти Владимир Путин.

Россия Федерацияси Президенти Владимир Путин мамлакат парламентининг юқори палатаси Федерация кенгашидан Украинанинг Қрим мухтор республикасида Россия қуролли кучларидан фойдаланишга рухсат сўради.

Кремл эълон қилган баёнотга кўра, президент Путин Қримдаги этник руслар ҳамда Украинанинг Қрим Мухтор Республикасидаги базага жойлаштирилган Россия ҳарбийларини ҳимоя қилиш учун мамлакат қуролли кучлардан фойдаланишга рухсат сўраб парламентга мурожаат қилган.

Ҳужжатда Путин Украинадаги сиёсий вазият “нормаллашгунига қадар” қўшинлардан фойдаланишга рухсат сўраган.

Шанба куни эрталаб Украина Мудофаа вазири Игорь Тенюх Россияни “огоҳлантирмасдан ва рухсатсиз, давлат чегаралари принципларига риоя қилмай” Украинанинг Қрим Мухтор Республикасига жума куни 6000 аскар ва 30 та бронемашина киритганликда айблаган эди.
XS
SM
MD
LG