Линклар

Интерпол Януковични ҳибсга олишга сўровнома олди


Украинанинг ҳокимиятдан қувилган собиқ президенти Виктор Янукович.

Украинанинг ҳокимиятдан қувилган собиқ президенти Виктор Янукович.

Интерпол Украина ҳукуматидан собиқ президент Виктор Януковичга нисбатан қидирув эълон қилиш ва уни ҳибсга олиш бўйича расмий сўровнома олди. Бу ҳақда Интерпол матбуот хизмати маълум қилди.

Янукович 22 февраль куни ҳокимиятдан ағдарилгач, Россияга қочиб кетган эди. Ҳозирда ҳам у Россия ҳудудида қолмоқда.

Украинанинг янги ҳукумати Януковични Киевда норозиларни “оммавий ўлдириш” ва конституциявий тузумни ағдаришга чақириқ билан чиққанликда айблаяпти.

26 февраль куни Украина Бош прокуратураси Януковични халқаро қидирувга берди.

Украинанинг янги ҳукумати маълумотига кўра, Янукович президентлиги даврида 70 миллиард доллар Украина молиявий тизимидан офшор ҳудудларга олиб чиқилган ва 37 миллиард долларлик қарз нималарга сарфлангани ноаниқ қолмоқда.
XS
SM
MD
LG