Линклар

Bu yil O‘zbekiston oliy o‘quv yurtlariga bakalavr bosqichi bo‘yicha 57 ming 907 nafar talaba qabul qilinadi.

Shundan byudjet o‘rinlarining soni 19 ming 120ta, to‘lov-kontrakt asosidagi o‘rinlar 37 ming 487tani tashkil etadi.

O‘zbekiston prezidentining oliy ta‘lim muassasalariga o‘qishga qabul qilish to‘g‘risidagi qaroriga muvofiq, 2014-2015 o‘quv yilida magistraturada o‘qish uchun esa 5000 talaba qabul qilinadi.

Shulardan 1548tasi davlat granti, 3452tasi to‘lov-kontrakti bo‘yicha o‘qishga qabul qilinadi.

Eslatib o‘tamiz, o‘tgan yili oliygohlarga 500 mingga yaqin abituriyent hujjat topshirgan. O‘zbekistondagi oliy o‘quv yurtlarida bir o‘ringa o‘rtacha to‘qqiz kishi da‘vogar bo‘lgan.

Eng katta tanlov – bir o‘ringa 20 dan ziyod kishi – Toshkent tibbiyot akademiyasining Farg‘ona filialida qayd etilgandi.

XS
SM
MD
LG