Линклар

logo-print

Ramazonning birinchi kunida Suriyaning Halab viloyatidan Iroqning Diyala viloyatigacha bo‘lgan hududda “xalifalik o‘rnatilganini” e‘lon qilgan “Iroq va Shom Islomiy davlati” guruhi dunyo musulmonlarini jihodga va xalifalikni qayta tiklashga chaqirdi.

1 iyul kuni Internet vositasida tarqatilgan videobayonotda “Iroq va Shom Islomiy davlati” guruhi rahbari, Abu Bakr al-Bag‘dodiy o‘zining halifa sifatida saylangani to‘g‘risida bayonot berdi.

Ayni paytda Qirg‘iziston rasmiylari mamlakatda diniy ekstremizm ko‘lami oshayotganidan xavotir bildirmoqda. Qirg‘iz huquq-tartibot idoralariga ko‘ra, hozirda Suriyada islomiy janggarilar tarafida kamida 80 nafar qirg‘izistonlik kurashmoqda. Bu haqdagi xabar 3 iyul kuni paydo bo‘ldi.

Joriy yil martida turkiyalik huquq faollari Suriyadagi jihodchilar orasida 3-3 yarim ming o‘zbek borligi to‘g‘risida gapirgan edi.

Bu xabarlarni sharhlab berishni OzodNazarning bugungi soni mehmoni, toshkentlik siyosatshunos, professor Muqimjon Qirg‘izboyevdan so‘radik.

XS
SM
MD
LG