O‘zbekiston hukumatining 30 iyunda qabul qilgan 174-qaroriga asosan mamlakatda dizel yonilg‘isi narxlari 1 iyuldan qimmatlagan. Bu haqda O‘zbekiston axborot vositalari 7 iyul kuni xabar tarqatdi.
Xabarlarda aytilishicha,1 litr dizel yonilg‘isining narxi 11,7 foizga qimmatlab, 1910 so‘mni, 1 litr EKO dizel yonilg‘isi narxi 11,5 foizga qimmatlab, 1990 so‘mni tashkil qilgan.
O‘zbekistonda bundan avval dizel yonilg‘isi narxi mamlakat hukumati qarori bilan 2014 yilning 9 yanvarida oshirilgan edi. O‘shanda 1 litr dizel yonilg‘isi narxi 1 710 so‘m, 1 litr EKO dizel yonilg‘isi narxi 1785 so‘m miqdorida belgilangan edi.