Линклар

НАТО Украина ҳудудида 2 минг нафардан зиёд Россия ҳарбий хизматчиси мавжуд, деб ҳисоблайди. Бу ҳақда Ғарбдаги ахборот агентликлари Шимолий Альянснинг исми очиқланмаган расмийсига таяниб хабар қилди.

Украина Президенти Петр Порошенко Туркияга сафарини бекор қилиб Донецк областидаги вазият кескинлашиб кетиши муносабати билан Мллий хавфсизлик кенгаши мажлисини чақирди.

Бу ҳақда Украина Президенти матбуот хизмати хабар қилди.

Порошенкога кўра, “Россия ҳарбийлари Украинага киритилгани” туфайли Киев БМТ Хавфсизлик кенгаши мажлисини чақириш таклифини зудлик билан киритади.

Россияпараст сепаратчилар Донецк вилоятидаги Новоазовск шаҳрини босиб олганидан сўнг Украина ўз ҳудудига ҳарбий тажовуз қилганликда Россияни айблади.

Украина ички ишлар вазирининг маслаҳатчиси Зорян Шкирякка кўра, Россия ҳарбийлари Украинага бир неча йўналишда бостириб кирмоқда. Россия Қуролли Кучлари Бош штаби ўз ҳаракатлари билан Донбассдаги аҳоли пунктларини босиб олиш мақсадида Украина ҳукумат кучларини заифлаштиришга интилмоқда.

XS
SM
MD
LG