Линклар

Эрон президенти Тожикистонга расмий сафарини бошлади


Ҳасан Руҳоний.

Ҳасан Руҳоний.

Эрон президенти Ҳасан Руҳоний бугун Тожикистонга расмий сафари доирасида Душанбеда президент Имомали Раҳмон билан учрашади.

Ҳасан Руҳоний 10 сентябрда тожикистонлик ҳамкасби билан Сангтўда-2 ГЭСининг иккинчи босқичини ишга тушириш маросимида иштирок этади. Мазкур ГЭС қурилиши учун Эрон Тожикистонга 180 миллион долларлик моддий ёрдам кўрсатган.

Эрон президенти 11-12 сентябрда Душанбеда ўтадиган Шанхай ҳамкорлик ташкилотининг саммитида иштирок этади. Мазкур ташкилотда Эрон кузатувчи давлат мақомига эга.

Ҳасан Руҳоний 9 сентябрда Қозоғистонга ташриф қилган ва президент Нурсултон Назарбоев билан Каспий денгизи мақоми, Қозоғистон ва Эрон ўртасидаги савдо-иқтисодий алоқларни ривожлантириш, минтақа хавфсизлиги каби масалалар муҳокама қилган эди.

XS
SM
MD
LG