Линклар

"Абу Сахий"да маҳсулот пластик карточкага қиммат нархда сотилмоқда


O‘zbekistonda plastik kartochkalarga olinadigan mahsulot 30%ga qimmatga sotilmoqda.

Озодликнинг ОзодМактубига мурожаат қилган тошкентлик Шохруҳхўжа Эргашев "Абу Сахий" бозорида пластик карточка билан савдо қилишни истаган мижозларга маҳсулотлар 35-40 фоиз қимматроққа сотилаётганини ҳақида ёзди:

Коллежни битириб, Химпромда икки йилдан ортиқ ишладим. Ойлигим 50%ми, 70%ми пластикка тушади. Икки йилдан буён пластик карточкамда 10 миллион сўм йиғилиб қолибди. Мен ўз уйим учун маиший жиҳоз олиш учун Абу Сахий бозорига бордим.

2 миллион сўмга газ плитаси сотиб олмоқчи эдим. Нархини сўрасам, "агар терминалдан тўласангиз 2 миллион 700 минг сўм, нақд бўлса 1 миллион 900 минг сўм қилиб берамиз. Пластикка бўлса 30% қўшиб берасиз, нақдга бўлса тушириб берамиз” дейишди.

Мен пластикка оламан деб борган эдим. “Artel” Ўзбекистондан чиқадику. Ўзбекистондан чиқаётган нарсага, Ўзбекистоннинг пулига яна 30% қўшиб беришимиз керак экан.

Коллежни битираётганимда тузган бизнес планимга банкдан кредит беришадиган бўлишди. Бориб “техника сотиб олсам бўладими?” деб суриштирган эдим. Перечислениега (пул ўтказиш-таҳр.) 30%, агар нақд бўлса тушириб берамиз дейишди.Ўша пайтда ҳам худди шундай бўлган эди. Ҳозир стандарт бўлиб қолган. Ҳамма ерда 30% устига қўшиб бериш керак экан.

"Биз у ердан оладиган нарсамизни долларга оламиз, доллар олиш учун нақд пул керак. Нақд пул қилиш учун банкдагилар нақд пул сўрайди", дея бизга шунақа баҳоналар қилишаяпти.

Сизнинг фикрингиз

Шарҳларни кўрсатинг

XS
SM
MD
LG