“Исломий давлат” жанггарилари Сурия шимолидаги курдлар яшайдиган бир қанча қишлоқни ишғол этди.
Курд отрядлари қўмондонларидан бири Ўжалон Исо Рейтерс агентлигига исломчилар Туркия чегарасига туташ Айн ал-Араб шаҳри яқинидаги 16та қишлоқни босиб олганини айтди.
Британиядаги Сурия маркази фаоллари ҳам Айн ал-Араб яқинидаги бир қанча қишлоқ радикал исломчилар назоратига ўтганини тасдиқлашди.
Айни пайтда ҳукумат кучлари исломчилар назорати остидаги Эл-Баб шаҳрига ҳужум қилди. Ушбу шаҳар Айн ал-Арабдан юз чақирим ғарбда жойлашган. Жангларда камида 12 одам нобуд бўлган.
Сентябрь ойи бошида курд отрядлари ва Суриядаги бошқа исёнчи гуруҳлар “Исломий давлат”га қарши коалиция тузишга муваффақ бўлганди.
