Sankt-Peterburgda o‘rnashgan Ravshanbek Komilov boshchiligidagi o‘zbek dorbozlari Rossiyaning turli shaharlarida o‘z mahoratini ko‘rsatib kelmoqda. O‘zbek va o‘zbekistonliklar butunrossiya kongressi tashabbusi bilan Rossiyaning Tula shahrida o‘tkazilgan “Kurash-2014” musobaqasida Komilovlar sulolasi dorbozlik o‘yinlarini namoyish etdi.
Namoyishga kelgan muxlislar dorga chiqqan 3 yashar Robiyaxon Komilova, 32 kiloli toshlarni o‘ynatgan va ustidan mashina o‘tgan Dilshodbek Komilov va boshqa oila a‘zolari chiqishlarini tomosha qildi.
Dorbozlar hatti-harakatlarini pastda turib sulola boshlig‘i Ravshanbek Komilov boshqarib turdi.
