Қозоғистонда Takfir wal-Hijra радикал исломий гуруҳи тақиқланди.
15 октябрь куни Қозоғистон Бош прокуратураси Остона шаҳрининг Сариарқа туман суди август ойида Takfir wal-Hijra гуруҳини экстремистик ташкилот деб топиб, унинг фаолиятини тақиқлаш ҳақида қарор чиқарганини билдирди.
1960 йилларда Мисрда ташкил этилган Takfir wal-Hijra гуруҳининг Ал-Қоидага алоқадор экани тахмин қилинади.
Қозоғистон билан узун чегара ҳудудига эга бўлган Россиянинг хавфсизлик кучлари ноябрь ойида Takfir wal-Hijra гуруҳининг 14 аъзосини ҳибсга олган.
Мазкур гуруҳ фаолияти Россия, Европа Иттифоқи, АҚШ, Туркия ва Қирғизистонда ҳам тақиқланган.
