Линклар

logo-print

Қозон вокзалида тирикчилик қилган қўқонлик Акмални кўрганлар борми?


Акмалнинг яқинлари Озодликка йўллаган сурат.

Акмалнинг яқинлари Озодликка йўллаган сурат.

Ўзини Неъматовлар оиласи дўсти деб таништирган суҳбатдошга кўра¸ Қўқон бозоридаги савдоси касод бўлгач¸ икки йилча муқаддам Москвага келган Акмалжон¸ сўнгги бор жорий йил январида онаси туғилган куни билан табриклашга телефон қилган.

Акмал Неъматов оиласи Озодликка йўллаган яна бир сурат.

Акмал Неъматов оиласи Озодликка йўллаган яна бир сурат.

На Москвадаги манзили¸ на тайинли иш жойи маълум Акмал¸ яқинларига кўра¸ шундан бери алоқага чиқмаган. У сим қоққан сўнгги рақамга боғланиш ҳам унинг тақдирига ойдинлик киритишга ëрдам бермаган.

Ўзбекистонда судланиб¸ бир йил манзил колониясида жазо ўтаган Акмалжон¸ Россияда ҳам маъмурий жавобгарликка тортилган.

Яқинлари тахминича¸ Акмал яна Россия ҳуқуқ тизимлари қўлига тушиб¸ жазога тортилган бўлиши мумкин.

- Оиланинг бор умиди¸ унинг ҳаëт эканидан хабар топишдир. Қаерда бўлса ҳам¸ соғ бўлса¸ тирик бўлса¸ бўлди¸ дейди Озодликка боғланган Неъматовлар оиласи дўсти.

Акмалнинг ичиб-чекиб юрган "кўча боласи" эканини таъкидлаган суҳбатдош¸ унинг Россиядаги ўзбек меҳнат муҳожирлари орасида фаол бўлган турли диний-экстремистик гуруҳлар сафига қўшилгани¸ улар сафида Сурия ва Ироқдаги жиҳодчилар олдига кетгани эҳтимолини деярли соқит қилади.

Айни пайтда¸ экстремистлар уни "гуноҳлардан тозаланиш ва жаннат ваъдаси билан авраган бўлиш" эҳтимоли ҳам йўқ эмас¸ деган фикрда Акмалнинг яқинлари.

Озодлик Акмал Неъматовни таниган-билган муҳожирлардан унинг тақдирига оид сўнгги маълумотларни шарҳ сифатида ëзиб қолдириш¸ ëхуд OzodSkype, OzodOvoz, OzodlikOnline Skype манзилларига боғланиб маълум қилишларни сўрайди.

Акмал Неъматовга оид унинг яқинлари сўрови билан Озодликка боғланган муҳожир билан суҳбатни қуйида тинглашингиз мумкин:

XS
SM
MD
LG