Линклар

Кобул полицияси бошлиғи толиблар уюштирган ҳужумлар боис ишдан кетди


Генерал Зоҳир Зоҳир.

Генерал Зоҳир Зоҳир.

Афғонистон пойтахтида сўнгги икки ҳафтада жанггарилар камида тўққизта ҳужум амалга оширгани сабабли Кобул полицияси бошлиғи ишдан кетди.

Жанггарилар асосан хорижликлар жойлашган бинолар, элчихоналарга тегишли автомобиллар ва АҚШ ҳарбийларига қарши ҳужумлар уюштирди.

Генерал Зоҳир Зоҳир толиблар 29 ноябрь куни кечқурун амалга оширган ҳужумда жанубий африкаликлар ва Афғонистон фуқароси нобуд бўлганини тасдиқлаганидан бир оз ўтиб лавозимидан истеъфога чиққани эълон қилинди.

Генерал Зоҳир ҳужум натижасида хорижий ташкилот раҳбари, унинг ўғли ва қизи қурбон бўлганини маълум қилиб, ташкилот номини айтмади.

Толиблар матбуот котиби Забиҳулла Мужоҳид Твиттер орқали 29 ноябрь кунги ҳужум махфий насроний миссионер гуруҳи жойлашган бинога австралияликлар учрашув ўтказиш учун борган пайтда амалга оширилганини билдирди.

XS
SM
MD
LG