Линклар

Futbol bo‘yicha O‘zbekiston nogiron-amputantlar terma jamoasi Meksikada o‘tayotgan Jahon chempionatining chorak finaliga chiqdi.

Amaldagi chempionlar nimchorak finalda Fransiya jamoasi ustidan 3:0 hisobida g‘alaba qozonishdi.

O‘yinning 9-daqiqasida Qudrat Xudoyqulov hisobni ochgan bo‘lsa, Muhammadaziz Arapov birinchi bo‘lim tugashi arafasida hisobni 2:0ga o‘zgartirdi.

Ikkinchi bo‘limda Haydarali Tursunboyev hisobni yirik ko‘rinishga keltirdi.

O‘zbekiston nogironlar terma jamoasi JChning yarim final yo‘llanmasi uchun Angolaga qarshi maydonga chiqadi. Angola nimchorak finalda Yaponiyani 1:0 hisobida mag‘lub etgan.

Futbol bo‘yicha nogiron-amputantlar o‘rtasida Jahon chempionati har ikki yilda o‘tkaziladi.

2012 yili Rossiyaning Kaliningrad shahrida o‘tgan so‘nggi Jahon chempionatida O‘zbekiston terma jamoasi g‘alaba qozongan edi.

Сизнинг фикрингиз

Шарҳларни кўрсатинг

XS
SM
MD
LG