Элчихона ўз нотасида Россия ташқи ишлар вазирлигини Москва четидаги Сахарово қишлоғида очилган Давлатлараро миграция марказида юзага келган танг вазиятни енгиллаштиришга чақирган. Озодлик радиоси қирғиз хизматига кўра, Қирғизистоннинг Москвадаги элчихонаси нотасида миграция марказида ҳар куни уч мингдан ортиқ меҳнат муҳожири йиғилиб қолаётгани, уларнинг 30 фоизигагина хизмат кўрсатилаётгани билдирилиб, вазиятни зудлик билан ўнглаш талаб қилинган.
Меҳнат муҳожирларининг шу кундаги муаммолари OzodNazarда ўзбекистонликларнинг Москвадаги “Ватандош” жамияти раҳбари Усмонали Баратов билан муҳокама қилинди.
