Линклар

Абдулазиз Мансур Сурияда ўзбекистонлик 200 жангари борлигини билдирди


Абдулазиз Мансур.

Абдулазиз Мансур.

Ўзбекистон мусулмонлари диний идораси раисининг ўринбосари Абдулазиз Мансур “Исломий давлат” гуруҳи сафида 200 ўзбекистонлик жанг қилаётгани тўғрисида маълумотлар борлигини билдирди.

“Новости” агентлигининг хабар беришича, Абдулазиз Мансур чоршанба куни Тошкентда журналистларга: “Сўнгги маълумотларга кўра “Исломий давлат” сафида 200 ўзбекистонлик бор. Бевосита Ўзбекистоннинг ўзидан кетган одамлар 2-3 кишидан ортмайди, бироқ улар ҳам қўлга олинган”, деб билдирган.

Абдулазиз Мансур ўзбекистонликлар Сурияга Россия орқали кетаётганликларини айтган.

Айни пайтда Озодлик радиоси “Исломий давлат”га яқин манба берган манбага таянган ҳолда¸ ҳозирга қадар бу жангари гуруҳ ташвиқотига учиб¸ Сурия ҳудудида ўлган ўзбекистонлик жангарилар сони камида 900 нафарга етгани ҳақида хабар тарқатган эди.

Аммо Озодлик бу норасмий иддаони тасдиқлаш ëки инкор этиш имконига эга эмас.

Суриядаги ўзбек жиҳодчилари иддаосича¸ бу ерда жанг қилаëтган ўзбекистонликлар сони 3000-4000 кишини ташкил қилади.

XS
SM
MD
LG