Линклар

Шошилинч хабар
28 март 2024, Тошкент вақти: 14:44

Қримлик татарларга 18 май куни оммавий тадбирлар ўтказиш тақиқланди


Қримлик татарлар лидери Мустафо Жамил
Қримлик татарлар лидери Мустафо Жамил

Россия аннексия қилган Қримда расмийлар татарларга қрим халқи депортациясининг 71-йиллигини нишонлашни тақиқладилар.

Бу ҳақда Озодлик Украин Хизматига қримлик татарлар лидери Мустафо Жамил маълум қилди

18 май куни Қримда хотира маросимлари ҳукумат томонидан ташкиллаштирилади, бироқ ярим оролдаги жорий ҳокимиятни нолегитим деб билган қримлик татарлар бундай тадбирларни тан олмайди, деди Мустафо Жамил.

Унинг сўзларига кўра, Қрим прокурори 18 майда фувофиқлаштирилмаган оммавий йиғинларга рухсат берилмаслиги ҳақида огоҳлантирган.

Бироқ, дея таъкидлайди Мустафо Жамил, кўплаб татарлар 1944 йилги депортация қурбонларига ҳурмат бажо келтириради.

Қримлик татарлар лидерига кўра, баъзи россияпараст фуқаролар “провокациялар” уюштириши мумкинлигидан хавотирлар бор.

Шанба куни Қрим раҳбари Сергей Аксенов "Украина жануби-шарқидаги беқарор вазият туфайли" ярим орол ҳудудида 6 июнга қадар оммавий тадбирлар ўтказишни тақиқлади

Ўтган йил Қрим татарларига Симферополь шаҳрида хотира тадбирларини ўтказиш тақиқланган эди.

Ўшанда аннексия қилинган ярим орол раҳбарияти ўз қарорини гўё "украиналик миллатчилар" Қримда террорчилик ҳужумларини тайёрлаётгани билан изоҳлаганди.

XS
SM
MD
LG