Линклар

logo-print

ФИФА президенти истеъфо берди


Йозеф Блаттер бир неча кун олдин 5-муддатга президентликка сайланган эди.

Йозеф Блаттер бир неча кун олдин 5-муддатга президентликка сайланган эди.

ФИФА президенти Йозеф Блаттер коррупция билан боғлиқ жанжал ортидан истеъфо берганини билдирди.

Цюрихда 2 июнь куни ўтган матбуот анжуманида бу ҳақда айтган Блаттер янги президенти сайлаш учун тез орада навбатдан ташқари қурултой чақирилиши кераклигини айтди.

79 ёшли Блаттер АҚШ ва бир қатор Европа давлатлари қаршилигига қарамай, 29 май куни бешинчи марта ФИФА президентлигига сайланган эди. Блаттер матбуот анжуманида “бу сайлов футбол оламида барча томонидан қўллаб-қувватланмаётгани”ни ҳам айтиб ўтди.

27 май куни Швейцария полицияси ФИФАнинг 7 мулозимини 2010, 2018, 2022 йилги Жаҳон чемпионатлари мезбонларини аниқлашда коррупцияга йўл қўйганликда айблаб ҳибсга олган эди. Қўшма Штатлар ҳам ФИФАга нисбатан айблов билдирган.

Йозеф Блаттер ФИФАни 1998 йилдан бери бошқариб келган.

XS
SM
MD
LG