Линклар

Ўзбекистонда нодавлатчиларнинг “тадбир” ўтказиши деярли тақиқланди


Ўзбекистонда мустақил нодавлат ташкилотларининг ўз тадбирларини ўтказиши 2005 йил Андижон воқеалари ортидан тақиқланган эди.

Ўзбекистонда мустақил нодавлат ташкилотларининг ўз тадбирларини ўтказиши 2005 йил Андижон воқеалари ортидан тақиқланган эди.

Ўзбекистон Адлия вазирлиги нодавлат ва нотижорат ташкилотлари тадбирларини мувофиқлаштиришга оид янги Низомни тасдиқлади.

Интерфакс агентлигининг вазирликдаги манбасига таяниб туриб билдиришича¸ янги тартибга кўра¸ нодавлат ташкилотининг низомидаги ўз мақсадига эришиш учун Ўзбекистон ëки хориж давлати ҳудудида ўтказадиган ҳар қандай конференция¸ семинар¸ трейнинг¸ акция¸ “давра столи” атрофидаги учрашувлар¸ симпозиум каби ҳар қандай тўпландиси тадбир деб талқин этилади.

Бундай тадбир ўтказиш режасидаги ҳар қандай нодавлат-нотижорат ташкилоти ўз ихтиëри билан йил¸ квартал ëки ой охирида адлия тизимларига мурожаат қилиши лозим бўлади.

Бундай тадбирни мувофиқлаштириш мақсадида нодавлат ташкилотлари тегишли адлия идорасида уни ўтказишдан камида 20 кун¸ хориж фуқаролари Ўзбекистонга келадиган бўлса¸ бир ой олдин ëзма тарзда мурожаат қилишлари керак.

Адлия идораси эса¸ янги Низомга кўра¸бу мурожаатни кўриб чиқиб унга рухсат берилган-берилмаганини ëзма шаклда маълум қилади.

Агар режалаштирилаëтган тадбир конституциявий тузумни куч билан ағдаришни даъват қилиш¸ Ўзбекистон суверенитети¸ ҳудудий яхлитлиги ва хавфсизлигига таҳдид солиш¸ фуқаролар ҳақ ва эркинликларини топташ¸ уруш тарғиботи¸ ижтимоий¸ миллий¸ ирқий ва диний низо қўзғаш¸ фуқаролар саломатлиги ва маънавиятига зиëнеткизиши мумкин”¸ деб топилса¸ Ўзбекистон адлия идоралари унинг ўтказилишига рухсат бермайди¸ дейилади янги Низомда.

Тадбир ўтказилишига рухсат берилган тақдирда¸ нодавлат-нотижорат ташкилоти раҳбари унинг тақдим этилган ҳужжатларда кўрсатилган каби ўтказилишини таъминлаши ва адлия тизими расмийсининг бу тадбирни мониторинг қилиш учун унга эркин кириб-чиқишини кафолатлаши лозим бўлади.

Ўзбекистонда айни кунларда 8100 тадан ошиқ нодавлат-нотижорат ташкилоти расман рўйхатдан ўтказилган.

2005 йилги Андижон воқеалари ортидан мустақил¸ хориж ташкилотларидан молиявий ëрдам олиб ишлайдиган ҳар қандай нодавлат-нотижорат ташкилоти Ўзбекистон ҳукумати томонидан бошланган тазйиқ-таъқиблардан сўнг мамлакатни тарк этишга мажбур бўлган.

XS
SM
MD
LG