АҚШ Давлат котиби ёрдамчисининг биринчи муовини Ричард Хоугланд 24 июль куни Тошкентда бўлиб ўтган матбуот анжуманида журналистлар саволларига жавоб берар экан, Тошкентга сафари давомида ҳарбий база очиш масаласини кўтармаганини айтди.
- Такрор айтишга ижозат бергайсиз, АҚШ Марказий Осиё минтақасида ҳарбий базалар очишга уринаётгани йўқ, - деди Хоугланд.
АҚШ мулозими, шунингдек, Афғонистондаги вазият Марказий Осиёга таҳдид туғдирмайди, деб таъкидлади.
- Афғонистондаги вазият унга қўшни мамлакатларга хавф туғдирмоқда, деган фикрлар бор. Лекин, биз бу фикрга қўшилмаймиз, - деди Хогланд.
АҚШ Давлат котиби ёрдамчисининг биринчи муовини Ричард Хоугланд шу ҳафта Тошкентда бўлди.
У АҚШ ва Ўзбекистон ўртасидаги иккитарафлама маслаҳатлашувларда қатнашди ва Ўзбекистон ташқи ишлар вазири Абдулазиз Комилов билан музокаралар ўтказди.
