Венгрия бош вазири Виктор Орбан Европага ноқонуний муҳожирлар оқими ва минтақада терроризмнинг тарқалиши орасида узвий боғлиқлик бор, деб айтди.
Бугун Руминияда қилган маърузасида жаноб Орбан Европага келаётган ноқонуний муҳожирларни элакдан ўтказиш имконсизлиги, улар орасида террорчилар ҳам ўтаётганини қайд этди.
Ҳозирда Венгрия ноқонуний муҳожирлар оқимини камайтириш учун Сербия билан чегараси бўйлаб девор қуришга киришган.
Жорий йилда Венгрияга ноқонуний муҳожирлар оқими кўпайгани хабар қилинган эди.
