13 август эрталаб Бағдод шаҳрининг асосан шиалар истиқомат қиладиган Садр мавзесидаги ‘Жамила” озиқ-овқат бозорида портлагич ортилган юк машинаси портлаши оқибатида нобуд бўлганлар сони камида 62 нафарга етди.
Полиция маълумотларига кўра, яна камида 120 киши тан жароҳати олган.
Ҳужум учун масъулиятни “Ислом Давлати” радикал гуруҳи ўз зиммасига олгани хабар қилинди.
Сунний экстремистларнинг “Ислом Давлати” гуруҳи бугунгига ўхшаш ҳужумларни Бағдод четидаги асосан шиалар яшайдиган мавзеларда тез-тез амалга ошириб келмоқда.