24 август куни Тошкент вилояти Юқоричирчиқ тумани ҳудудидан ўтувчи газ магистралида рўй берган кучли портлаш техноген фалокатлар сирасига киради.
Мутахассислар таъкидича¸ Ўзбекистондаги совет даврида қурилиб¸ ўз эксплуатация муддатини кўпдан тугатиб бўлган йирик гидротехник объектлар¸ транспорт¸ энергетика ва коммунал тизимлар¸ шунингдек кимëвий ва радиацион хавфли объектларни янгилаш ëхуд янги технологиялар асосида таъмирлаш йўлга қўйилмаса¸техноген фалокатлар сон ва кўлами кўпайиб боради.
Хўш¸ Тошкент ҳукумати мустақилликнинг қарийб чорак асри давомида советлардан қолган бундай стратегик объектларни модернизация қилиш¸ уларни янгиларига алмаштириш бўйича нималар қилди?
Бу объектлар кўпининг эксплуатация муддати тугаганига қарамай¸ ҳамон фойдаланишда қолаëтгани Ўзбекистонда техноген фалокатлар таҳликаси хавфли босқичга кирганини англатадими?
Бу OzodNazarнинг бугунги меҳмони¸ ўзбекистонлик муҳандис Саидмурод Ҳасановга берилган саволларнинг айримларидир.
OzodNazarни тўлиғича қуйида тинглашингиз мумкин.