Линклар

Афғон расмийлари Қундуз шаҳрини Толибондан қайтариб олганини иддао қилмоқда


Қундуздаги ҳукумат аскарлари, 2015 йилнинг 1 октябри.

Қундуздаги ҳукумат аскарлари, 2015 йилнинг 1 октябри.

Афғонистон куч ишлатар тузилмалари мамлакат шимолидаги Қундуз шаҳрининг катта қисмини Толибон жангариларидан озод қилганларини айтмоқдалар.

Афғонистон Мудофаа вазирлиги 1 октябрь куни тарқатган баёнотда тунги амалиёт чоғида 150 жангари ўлдирилгани ва Қундуз шаҳри Толибондан тозалангани айтилади.

Вазирлик таъкидича, амалиёт пайтида тинч аҳоли вакилларидан ҳеч ким нобуд бўлмаган.

Айни пайтда Рейтерс агентлигига гапирган Толибон вакили афғон расмийлари Қундуз шаҳрини қайтариб олганига оид иддао рад этиб, толиблар шаҳар марказида ҳукумат кучларига қарши курашни давом эттираётгани ва шаҳарнинг катта қисми ҳали ҳам сафдошлари назоратида эканини айтган.

Франс пресс агентлиги эса Қундуздаги гувоҳлар сўзларига таянган ҳолда, ҳукумат кучлари шаҳар марказига келгани, кўчалар Толибон жангарилари жасадлари билан тўлиб кетганини хабар қилди. Агентликка кўра, Қундузнинг айрим қисмларида жанглар ҳали ҳам давом этмоқда.

XS
SM
MD
LG