Линклар

ТАТУ талабалари уч ойдан бери стипендия ололмаяпти


Ўзбек талабаси ўзи каби пиëда тугул¸ отлиққа ҳам топилмайдиган бўлиб бораëтган ўзбек сўми дийдорини кўриш умидидан қарийб айрилаëзган...

Ўзбек талабаси ўзи каби пиëда тугул¸ отлиққа ҳам топилмайдиган бўлиб бораëтган ўзбек сўми дийдорини кўриш умидидан қарийб айрилаëзган...

Стипендиялари мажбурлаб қўл қўйдирилган “сўров” асосида 100 фоиз пластик картага ўтказилганига қарамай¸ Тошкент ахборот технологиялари университети талабаларига июль ойидан бери стипендия берилмаëтир. Озодликка мурожаат қилган бир гуруҳ талабаларга кўра¸ маъмурлар стипендияларнинг ноябрь ойида берилиши мумкинлигини айтишмоқда.

Талаба пулсиз яшаш илмини ўрганмоқда?

“Талабаларнинг стипендияси яна бир ойга кечиктирилди. Ҳозиргача июль-октябрь берилгани йўқ эди¸ энди 4 ноябрда битта қилиб ўтказамиз¸ дейишаяпти. Нега стипендиялар 100 фоиз пластикка ўтказилган бўлса ҳам¸ шунча вақт давомида беришмаяпти. Талабалар энди ниманинг ҳисобига яшайди. Илтимос¸ шу масалада ëрдам берсангизлар”¸ деб мурожаат қилди Озодликка ТАТУ талабаларидан бир гуруҳи.

Озодлик билан микрофонсиз суҳбатда талабалардан бири¸ ўқиш бошланиши билан август-сентябрь ойи стипендияларини олиши лозим бўлгани ҳолда¸ октябрь ойининг 7-сига келиб¸ стипендияларнинг ноябрда пластик картасига тушиши ҳақида қуруқ ваъда олганидан хуноб бўлиб гапирди:

- Тошкент ахборот технологиялари институти Ўзбекистоннинг энг кўп кўз-кўз қилинадиган институти. Контракт пули ҳам бошқаларга қараганда қиммат бу институтда; компютер соҳасида етук мутахассислар етиштирилади¸ деб мақтанишади. Компютер муҳандислари етиштираман¸ деган институт ëтоқхонасида компютердан фойдаланиш тақиқланган бўлса¸ ҳатто 5 га ўқийдиган талабалариям 4 ойдан бери пулсиз қолдирилган бўлса¸ булар нимасига бунақа катта гапиришади¸ дейди ўзи ўқийдиган институт маъмуриятининг бедодлигидан нолиган талабалардан бири.

Расмийлар (одатдагидай) инкор қилишди

ТАТУнинг талабалар стипендияси учун масъул ходимларидан бири¸ бу шикоятни рад этишга уринди ва талабаларга контракт пулини қачон ўтказганига қараб¸ стипендия берилаëтганини иддао қилди:

- Август-сентябрь стипендиялари ҳар йили ҳам контракт пули қачон ҳисобимизга тушганига қараб¸ октябрда берилади. Бизга фалончи контрактини тўлади¸ деган тасдиқ келса¸ биз стипендия берилсин¸ деб қоғоз қиламиз. Стипендиялар кечикаëтгани йўқ¸ ҳозир болаларга бирин-кетин бераяпмиз. 100 фоиз пластикка мажбурлади¸ деган гап ҳам нотўғри. Талабалар ўзи ариза ëзиб¸ шуни сўраган. Уларда 20 фоизини нақд олиш имкони бор¸ деди ТАТУ ходимларидан бири.

Аммо Озодликка боғланган талабалар ¸ бундай иддаоларни ëлғон деб баҳоладилар:

- Деканат ҳаммамизга 100 фоиз пластикка ўтказинг¸ деган аризага мажбуран қўл қўйдирган. Қўл қўймасак¸ бу ерда қолмасдик. Ҳар йили шунақа¸ деган гап ҳам ëлғон. Ўтган йили сентябрда сразу ëз ва сентябрь стипендиясини олганмиз. Контрактни тўлаганига қараб бераяпмиз¸ деса¸ бюджетга ўқийдиганларнинг стипендияси нега берилмаяпти¸ дейди институт маъмурияти баëнотидан жаҳли чиққан талабалар вакили.

Компютер илми ҳам пахтазорда

ТАТУ талабаларининг Озодликка билдиришича¸ компютер муҳандислиги бўйича етук кадр еткизиб бериш иддаосини қиладиган институт талабаларининг кўпчилиги шу кунларда Жиззахда пахта термоқда ва уларнинг пахтадан қочиб кетиши олдини олиш учун¸ паспортлари ҳам олиб қўйилган:

- Деканлар ким ихтиëрий равишда пахтага борса¸ сессияда ëрдам берамиз¸ деди. Кўп болаларни ихтиëрий-мажбурий қилиб жўнатишди. Энди паспортларни олиб қўйган. Сессияда ҳам ҳеч қанақа ëрдам бўлмайди. Компютер илмини бизда пахтазорда ўқитишадиган бўлган¸ деди ТАТУ талабаларидан бири ўз шахси сир қолиш шарти билан.

Озодликка ўтган йили ҳам бир гуруҳ ТАТУ талабалари хат йўллаб¸ ўзларининг пахта териш учун ўқишга кирмагани¸ пахта сиëсати жонга текканини билдирган эди.

Кимдир пул қилаяпти?

Ўзбекистон Молия ва Олий ва ўрта махсус таълим вазирлиги 2015-2015 ўқув йили учун тўлов-контракт нархини август ойидаги қарори билан 15 фоиздан кўпроққа оширди.

Жорий ўқув йили учун ахборот технологиялари соҳасида ўқиëтган талабалар 6¸3 миллион сўм тўлаши керак. Бу эса¸ ўтган йилгига нисбатан 800 минг сўмга қимматроқдир.

Талабаларнинг билдиришича¸ сессияни фақат 5 баҳога ëпадиган талабага тахминан 470 минг¸ 4 га ëпадиганларга 350 минг¸ уч билан сессияни тугатувчиларга эса 230 минг сўм атрофида стипендия берилиши лозим.

8500 нафардан ортиқ талабаси бор бу институт раҳбариятининг¸ шунча талаба стипендиясини бир неча ой кечиктириши ортида қандайдир молиявий ўйинлар борлиги ҳам тахмин қилинмоқда.

Ўзбекистон банк тизимида ишлайдиган расмий манбанинг Озодликка эътироф этишича¸ кейинги пайтларда нақд пул тақчиллиги кучайиб кетгани ортидан ойлик ва ижтимоий тўловларни эгалари ҳисобига нақдсиз ўтказишнинг кечикиш ҳоллари ҳам кўпаймоқда.

“Айримлар ойлик ва тўловларни кечиктириб¸ бу пулларни ўз мақсадларида учун айлантириб¸ фойда қилиб олмоқда. Лекин бу нарса аниқланса¸ оқибати бундайлар учун ëмон бўлади”¸ деди Озодлик манбаси.

ТАТУ талабалари пулсизлиги - ўзбекча иқтисод меваси!

Айни пайтда¸ Озодлик суҳбатлашган молиявий мутахассислар¸ Ўзбекистонда ойлик ва пенсияларнинг¸ эндиликда¸ талабалар стипендияларини пластик картага ўз вақтида ўтказиш борасида кузатилаëтган кечикишлар¸ Ўзбекистон иқтисодининг чуқур ботқоққа ботиб бораëтгани белгиси эканини айтмоқдалар.

- Корхоналар ўз даромадидан солиқ тўлайди ва давлат бюджетининг асосий кирим қисми ана шу солиқлардан ташкил топади. Молия вазирлигининг Ғазначилик бошқармаси ғазнага тушган нақдсиз пулни перечисление билан давлат ташкилотлари ва корхоналар ҳисобига ташлаб бериш учун банкларга ўтказади. Банклар эса¸ ҳар бир ташкилот бир ой¸ бир квартал ëки бир йилда берадиган ведомост бўйича¸ бу пулни улар ходимларининг пластик карталарига ойлик шаклида бўлиб беради. Булар ҳаммаси нақдсиз бўладиган молиявий операциялар. Агар бугунга келиб Ўзбекистон ҳукумати давлат ташкилотлари ойликлари ва пенсияларни нақдсиз шаклда пластик картага ҳам ўтказиб бера олмай қолган бўлса¸ бу давлат бюджетининг даромад қисмида жиддий муаммо бор¸ деганидир. Бу иқтисод учун хавфли вазият ва иқтисоднинг барча тармоқларида домино эффекти бошланиб кетишига сабаб бўлиши мумкин¸ деган эди нақдсиз тўловларнинг кечикаëтганини шарҳлаган молиявий таҳлилчи Сапарбой Жубаев.

Шарҳларни кўрсатинг

XS
SM
MD
LG