Линклар

logo-print

Жанубий Корея банки Ўзбекистонга 1 миллиард доллар қарз беради


Корея кредити, жумладан, нефть ва газ соҳасини ривожлантиришга сарфланади.

Корея кредити, жумладан, нефть ва газ соҳасини ривожлантиришга сарфланади.

Жанубий Кореянинг “Эксимбанк”и 2015 йилдан 2019 йилгача Ўзбекистонга инфраструктурани ривожлантириш учун 1 миллиард доллар қарз беришга рози бўлди. Бу ҳақда Россиянинг "Регнум" ахборот агентлиги Ўзбекистон ҳукуматидаги манбага таяниб хабар тарқатди.

Хабарда айтилишича, мазкур маблағ ҳисобидан нефть ва газ, кимё ҳамда тоғ-металлургияси инфраструктураси ривожлантирилади.

“Эксимбанк” 1990 йилдан то шу кунгача Ўзбекистонга автомобилсозлик, телекоммуникация, қишлоқ хўжалиги ва ижтимоий соҳа учун 1 миллиард долларга яқин қарз берган.

Расмий хабарларда айтилишича, Жанубий Кореянинг Ўзбекистонга киритган сармоялари шу кунгача 5 миллиард доллардан ошиб кетган.

2014 йилда Ўзбекистон ва Жанубий Корея ўртасидаги савдо айланмаси 1 миллиард 900 миллион долларни ташкил этган.

XS
SM
MD
LG