Линклар

Украинада Киев мэрлигига собиқ номзод ҳибсга олинди


Геннадий Корбан

Геннадий Корбан

Украина хавфсизлик кучлари ўтган ой Киев мэри бўлишга уриниб кўрган Геннадий Корбанни ҳибсга олди.

Расмийларга кўра, УКРОП партиясининг бошлиғи ва Днепрепетровск собиқ ҳокими Игорь Коломойскийнинг яқини бўлган Геннадий Корбан уюшган жиноий гуруҳ тузишда гумонланиб, Днепрепетровскда 31 октябрда ҳибсга олинган.

УКРОП партияси баёнот чиқариб, лидерларининг ҳибсга олиниши ва партия идорасининг тинтув қилинишини “сиёсий репрессия,” дея баҳолади.

Корбан Днепрепетровск вилояти ҳокимининг муовини бўлган 2014-2015 йилларда бир неча инсонни ўғирлаб кетишга алоқадорликда айбланмоқда.

У шунингдек Украина аскарларига тегишли жамғармадан 1,7 миллион доллар ўмаришда айбланмоқда.

Корбан ва унинг шерикларини тутиш амалиётида 500га яқин хавфсизлик зобитлари иштирок этгани хабар қилинади.

Аввалроқ унинг шериги Игорь Коломойскийни Президент Петро Порошенко хусусий қуролли гуруҳ тузишда айблаган эди.

XS
SM
MD
LG