Линклар

Озарбайжонда парламент сайловлари бўлиб ўтди


Озарбайжон президенти Илҳом Алиев овоз бериш пайтида.

Озарбайжон президенти Илҳом Алиев овоз бериш пайтида.

Президент Илҳом Алиев мансуб бўлган “Янги Озарбайжон” партияси Озарбайжонда 1 ноябрь куни ўтказилган парламент сайловларида ғалабага эришгани эълон қилинди. Озарбайжон парламентидаги 125 ўрин учун 767 номзод кураш олиб борди.

Европада хавфсизлик ва ҳамкорлик ташкилотининг Демократик тузилмалар ҳамда инсон ҳуқуқлари бюроси Озарбайжонда ўтган сайловни кузатишдан бош тортган. Озарбайжон Марказий сайлов комиссияси эса сайловларни 66 минг кузатувчи кузатаётганини билдирган.

Озарбайжон мухолифатидаги Демократик кучлар миллий кенгаши, Демократик партия ва бошқа бир қатор сиёсий партиялар мамлакатда адолатли ва демкоратик сайловлар ўтказилишига ишончсизлик билдириб, парламент сайловида иштирок этишдан бош тортган.

Озарбайжонда 5 миллион фуқаро овоз бериш ҳуқуқига эга.

XS
SM
MD
LG