Линклар

Парижда ўтказилган рейдлар чоғида камида икки киши ҳалок бўлди


Француз полициячиси Сен-Денидаги хонадонлардан бирида, 2015 йилнинг 18 ноябри.

Француз полициячиси Сен-Денидаги хонадонлардан бирида, 2015 йилнинг 18 ноябри.

13 ноябрдаги террор хуружлари муносабати билан Париж шимолидаги Сен-Дени мавзеида ўтказилган полиция рейдлари чоғида камида икки киши ҳалок бўлди, саккиз киши ҳибсга олинди.

Полициядаги манбалар бу рейдлар диққат марказида терактларнинг муҳтамал ташкилотчиси Абдулҳамид Абауд бўлганини айтмоқдалар. Бироқ Париж прокурори Франсуа Молленнинг журналистларга билдиришича, чоршанба куни ўлдирилган ва ҳибсга олинганлар ичида Абауд йўқ.

18 ноябрь кунги рейдлар чоғида ўлдирилган ва ҳибсга олинган шахслар исми ҳозирча очиқлангани йўқ.

Ўтган жума Парижнинг Сен-Дени мавзеи дохил 6 та жойида жангарилар томонидан уюштирилган портлашлар ва "Батаклан" концерт залидаги отишмалар оқибатида 132 одам нобуд бўлган, 300 дан зиёд одам жароҳатланганди. Бу ҳужумлар ортидан Францияда фавқулодда ҳолат эълон қилинган. Мазкур террор хуружлари учун масъулиятни “Исломий Давлат” гуруҳи ўз зиммасига олган.

XS
SM
MD
LG