Линклар

Россия Бош прокурори Юрий Чайка қозоқ мухолифатчиси Мухтор Аблязов Москвадан Қозоғистонга экстрадиция қилинмаслигини билдирди.

Чайканинг бу баёноти 19 ноябрь куни Остонада ўтган коррупцияга қарши кураш бўйича халқаро кенгашда янгради.

“Биз Франция билан маслаҳатлашамиз. Агар қарор қабул қилинса, Аблязов Россияга экстрадиция қилинади. Унга Россия Федерацияси расман айблов билдиради”, -дедп Юрий Чайка.

Қозоғистондаги йирик БТА банкининг собиқ директори Мухтор Аблязов 2013 йилнинг ёзидан бери Францияда ҳибсда сақланмоқда. Қозоғистон, Россия ва Украина ҳукуматлари Аблязовни молиявий қонунбузарликларда айбламоқда. Жорий йилнинг 17 сентябрида Франция Бош вазири Мануэл Вальс Аблязовни Россияга экстрадиция қилиш ҳақидаги буйруқни имзолаган эди.

Мухтор Аблязов ўзига билдирилаётган айбловларни сиёсий буюртма деб ҳисоблашини ва ўзининг айбсиз эканини айтиб келади.

XS
SM
MD
LG