Линклар

Брюсселда хавфсизлик чоралари энг юқори даражада кучайтирилди


Белгия пойтахти Брюсселда шанба кунига ўтар кечаси террорчилик хавфи даражаси энг юқори - тўртинчи даражага кўтарилди.

Шаҳар аҳолиси кутилмаган ҳужумлар рўй бериши эхтимолидан огоҳлантирилди ва эҳтиёткор бўлиш, одамлар гавжум жойларга бормаслик тавсия этилди.

Пойтахт Брюсселда бугун эрталабдан метро ёпиб қўйилди ва кун давомида ишламаслиги айтилмоқда.

Шаҳар кўчаларини полиция патруллари қўриқламоқда.

Хавфсизлик чораларининг кучайтирилиши Париждаги ҳужумларнинг асосий гумонланувчиси Салаҳ Абдусаломнинг қидирилаётгани билан боғлиқлиги тахмин қилинмоқда.

Ҳукумат эса террор хавфсининг юқори даражага кўтарилиши сабабларини очиқламаган.

XS
SM
MD
LG