Линклар

logo-print

Путин Россия АҚШ етакчилигидаги коалиция билан ҳамкорлик қилишини айтди


Франсуа Олланд ва Владимир Путин.

Франсуа Олланд ва Владимир Путин.

Россия президенти Владимир Путин ўз мамлакати АҚШ етакчилигида “Исломий давлат” гуруҳига қарши тузилган коалиция билан ҳамкорлик қилишдан бош тортмаслигини билдирди.

26 ноябрь куни Кремлда Франция президенти Франсуа Олланд билан учрашувидан сўнг журналистлар олдида чиқиш қилган Владимир Путин томонлар Суриядаги террорчиларга қарши курашдаги икки томонлама ҳамкорликни мустаҳкамлашга келишиб олганини маълум қилди.

Айни пайтда Путин Туркия томонидан рус ҳарбий учоғининг уриб туширилиши, Россия ўзига дўст деб билган давлат томонидан қилинган хиёнат бўлганини яна бир бор таъкидлади.

Олланд Россия билан фақат жанггарилар ва бошқа муросага келмаётган гуруҳларга қарши кураш бўйича тил топишилганини айтди. Олланд Франция Сурияда "Исломий давлат”га қарши курашаётган исёнчи гуруҳларни қўллаб –қувватлашни кучайтиришини билдирди.

Ғарб Россияни Сурия президенти Башар Ассадга қарши курашаётган гуруҳларни бомбардимон қилаётганликда айблаб келади.

XS
SM
MD
LG