Orttirilgan immun taqchilligi sindromi (OITS) kasalligiga qarshi kurash respublika markazi ochiqlagan ma’lumotlarga qaraganda, O‘zbekiston bo‘ylab 2015 yilning 1 noyabrigacha Odam immun taqchilligi virusi (OITV) tashhisi qo‘yilgan 32743 bemor qayd etilgan, bulardan 57 foizi erkaklardir.
Aytilishicha, O‘zbekistonda har yili 100 ming kishidan 13 nafari yoki mamlakat bo‘ylab 4 ming kishi OITV yuqtiradi.
1 dekabr OITSga qarshi Xalqaro kurash kuni munosabati gazeta.uz sayti e’lon qilgan materialda OITS kasalligiga qarshi kurash respublika markazi direktori Nurmat Otabekovning mana bu gaplari keltirilgan:
“OITVga chalinganlarning to‘rtdan bir qismi mehnat muhojirlaridir. 2009 yildan buyon tekshiruvdan o‘tgan 316 ming mehnat muhojirining 609 nafarida OITV aniqlangan”, degan OITS kasalligiga qarshi kurash respublika markazi direktori.