Линклар

Россия ва Қирғизистон ГЭСлар қурилишини ёпиқ эшиклар ортида муҳокама қилмоқда


Юқори Норин ГЭСи барпо этилиши режалаштирилган ҳудуд.

Юқори Норин ГЭСи барпо этилиши режалаштирилган ҳудуд.

Қирғизистон-Россия ҳукуматлараро комиссияси Бишкекда Қамбарота-1 ва Юқори Норин ГЭС каскадларини барпо этиш масаласини ёпиқ эшиклар ортида муҳокама қилмоқда.Кеча бошланган сўзлашувга журналистлар киритилмаяпти.

Хабарларга қараганда, учрашувда ГЭСлардан ташқари иқтисодий алоқаларга боғлиқ 18 масала кўриб чиқилади.

Бундан аввалроқ “РусГидро” ширкати Юқори Норин ГЭС каскадларини қуриш юзасидан ўз мажбуриятларини бажармаётгани расман маълум қилинган эди.

Россия ҳамкорлигида барпо этилиши режалаштирилган Юқори Норин ГЭСини қуриш ҳақидаги шартнома Москва билан 2012 йилда имзоланган. ГЭСнинг биринчи гидроагрегати 2016 йилда ишга туширилиши режалаштирилган эди.

Россия Қамбарота -1 ГЭСи қурилишига ҳам 2 миллиард доллардан ортиқроқ маблағ ажратишини билдирган, бироқ ҳозиргача бу маблағ берилмаган.

Ўзбекистон Қирғизистонда янги гидроиншоотлар қурилишига қаршилик қилиб келмоқда.

XS
SM
MD
LG