Samarqandlik grossmeyster Jahongir Vohidov Angliyada bo‘lib o‘tgan Tradewise Hastings Masters shaxmat musobaqasida g‘oliblikni qo‘lga kiritdi.
An’anaviy bo‘lgan bu xalqaro musobaqa 28 dekabrda boshlanib, 5 yanvar kuni nihoyasiga yetdi.
Samarqand Davlat universiteti talabasi bo‘lgan Jahongir Vohidov musobaqada polshalik mashhur shaxmatchi Aleksandr Mista bilan bir xil, ya’ni 7 ochkodan to‘plagan, biroq u bilan shaxsiy uchrashuvda g‘alaba qozonib, birinchilikni qo‘lga kiritgan.
Jahongir Vohidov Hastings Blitz 2015/16 deb nomlagan shaxmat bo‘yicha blits-turnirda ham 1-o‘rinni olgan.