Линклар

Филаделфияда полициячига ҳужум қилган шахс ИД тарафдори эканини тан олди


АҚШнинг Филаделфия шаҳрида полиция ходимига ўқ отар қурол билан ҳужум қилган шахс сўроқ пайти “Исломий давлат“ экстремист гуруҳи ғояси тарафдори эканини тан олган.

Бу ҳақда Филаделфия полицияси бошлиғи Ричард Росс журналистларга маълум қилди.

Полиция ҳужумчининг исмини очиқламаяпти. 30 ёшли экани айтилаётган жиноятчи пайшанба куни Филаделфия шаҳрида машина рулида ўтирган полиция ходими Джесси Харнеттга қарата 13 марта ўқ узади.

Учта ўқ полициячининг қўлига тегади. Харнетт ҳужумчига жавоб ўқини узиб, уни яралайди.

Филаделфия полициясига кўра, жиноятчи бир неча йил аввал америкалик полициячининг уйидан ўғирланган қурол билан ҳужум қилган.

Полиция ходиса юзасидан суриштирув олиб бормоқда.

XS
SM
MD
LG