Meksika huquq tartibot idoralari xodimlari qamoqdan qochgan El Chapo laqabli narkobaron Xoakin Gusmanni qayta qo‘lga olishgan.
– Missiya bajarildi, biz uni ushladik, - deya bildirdi Meksika prezidenti Enrike Penya-Nyeto.
Gusman 2015 yil iyulida alohida qo‘riqlanadigan qamoqxonadan maxsus qazilgan yerosti yo‘li orqali qochib ketgandi.
Meksika hukumati u haqda ma’lumotni taqdim etgan kishiga 4 million AQSh dollarilik mukofot puli va’da qilgandi.
Xabarlarga ko‘ra, Gusman Sinaloa shtatining Los-Mochis shahrida qo‘lga tushirilgan.
Narkobaron bundan avval ham bir necha marta qamoqdan qochgan.