25 fevral kuni Ostonaga kelgan Yevroosiyo iqtisodiy komissiyasi raisi Tigran Sarkisyan bilan uchrashgan Qozog‘iston prezidenti Nursulton Nazarboev mazkur ittifoqqa kirgan davlatlar iqtisodiy inqirozni boshdan kechirayotganini e’tirof etdi.
Shunga qaramay¸ Nazarboev Yevroosiyo iqtisodiy ittifoqiga kirgan davlatlar iqtisodiy imkoni va bozor ko‘lami kattaligi uchun bunday integratsiya o‘z samarasini berajagiga ishonch bildirdi.
Rossiya¸ Belarus va Qozog‘iston o‘rtasida imzolanilgan Bojxonalar ittifoqi asosida tashkil etilgan Yevroosiyo iqtisodiy hamjamiyati rasman 2015 yil yanvaridan ish boshladi va unga Armaniston va Qirg‘iziston ham qo‘shildi.
Tahlilchilarga ko‘ra¸ Rossiya prezidenti Vladimir Putin mazkur tuzilma vositasida Moskvaning sobiq SSSR hududidagi ta’sirini saqlab qolish va bu hamjamiyat orqali o‘zini YeI va NATOga qarshi kuch sifatida taqdim etishga urinmoqda.