Farg‘ona viloyati Marg‘ilon shahrida voyaga yetmagan bolalarga nisbatan bir necha bor jinsiy tajovuz qilganlikda ayblanib xalqaro qidiruvga berilgan 21 yashar yigit Rossiyaning Sankt Peterburg shahrida hibsga olindi.
CA-NEWS ma’lumotiga ko‘ra, ismi ochiqlanmayotgan marg‘ilonlik yigit 3 mart kuni Peterburgning “Krasniy tekstilshchik” ko‘chasida joylashgan migratsiya markazida politsiya tomonidan hibsga olingan.
21 yashar yigitga nisbatan Marg‘ilon huquq-tartibot idoralari tomonidan 16 yoshga to‘lmagan, voyaga yetmaganlar bilan bir necha bor jinsiy aloqa qilganlik aybi bilan jinoyat ishi qo‘zg‘atilgan.