Kosta-Rika poytaxti San-Xose shahri yaqinida ikkita poezd yuzma-yuz to‘qnashishi oqibatida yuzdan ziyod jabrlandi.
Juma kungi to‘qnashuvga dispetcher xatosi va poezd mashinistlari o‘rtasida aloqaning yo‘qligi sabab bo‘lgani aytilmoqda.
Halok bo‘lganlar haqida ma’lumot yo‘q.
Jarohat olganlar shifoxonaga etkazilgan. O‘nga yaqin kishining ahvoli og‘ir deya baholanmoqda.
Poezdlar to‘qnashuvi yuzasidan surishtiruv olib borilmoqda.