Оқ халатга доғ тушурманг!
Тошкентдаги айрим касалхоналарда порахўрликка қарши плакатлар пайдо бўлмоқда.
Наманганда мардикорларга иш қолмади...?
Мана бу Намангандаги "Набережний" кўчасидаги мардикор бозори. Бир кунга мардикор иш ҳақи 20-25 минг сўм. Жуда одам кўп, аммо иш йўқ. Милицияга чақириб рўйҳатга олиб қўйиб юборишяпти. Россияга кетолмаётганлар жуда кўп.
Коллеж ўқитувчилари "микро-участка" раҳбарларига айлантирилмоқда
Бир масала юзасидан ёзяпман. Бошқа вилоятларни билмади-у, гап шундаки, 1 апрелдан бошлаб Тошкент вилоятидаги коллежларда ўқувчиларни ўқув машғулотларига жалб қилиш тадбирлари бошланди. Айниқса, ўқитувчиларга мунтазам равишда дарс қолдирадиган ўқувчилар билан алоҳида ишлаш юклатилмоқда. Турли ташкилотлардан текширувлар келмоқда. Бу албатта яхши, чунки ўқувчилар 100 фоиз давомад билан дарсга қатнаса бекор қолиб бемани ишларга вақт сарфламайди. Бундан биз ўқитувчилар хурсандмиз. Аммо бир лекини бор. Ҳар бир коллеж ўқитувчисига назоратга олиш учун 15-17 ўқувчи бўлиб бериляпти. (Бу микро-участка раҳбари дейилади) Мана шу микро-участка раҳбарларига қўшимча иш учун ҳеч қандай ортиқча ҳақ тўланмаяпти.
Тўғри буни майда гап дейишиз мумкин. Аммо микро-участка раҳбари дарсга келмаган ўқувчини йўқлаш учун вақтини сарфлайди, ҳужжат қилади. Бизга пул осмондан келмайди-ку.